सचोटी
*सचोटीची वृत्ती* *परवा एक अतिशय गरिब कुटंबातला माणूस आपल्या बायकोला घेऊन आला. पाच दिवस अॅलोपॅथी ट्रीटमेंट घेऊनही अजिबात फरक नव्हता. कंबर आणि उजव्या मांडीमध्ये पाय प्रचण्ड ठणकत होता. रुग्णेला नीट बसता येत नव्हतं की झोपता येत नव्हतं. चालतानाही वेदना होत असल्याने वाकून व कुणाच्या तरी आधाराने चालण बर्याच सायासानं जमंत होतं. अतिशय बिकट अवस्था होती तिची.* *घरची परिस्थिती खूपच गरिबीची. पेशंटचा नवरा मोलमजुरी करून घरातलं कसंबसं भागवायचा. "डाॅक्टर पाचशेच रुपये आणलेत" त्यानं तेही इकडून तिकडून गोळा करुन आणले होते. त्यांना धीर देऊन पैशाचा विचार आत्ता करू नका आपण आधी ट्रिटमेंट करू असं सांगितलं व ट्रिटमेंट चालू केली.* *कंबरेत व मांडीच्या दुखर्या भागात व्यधाग्निकर्म केलं. रुग्णेला काहीसं बरं वाटलं. विशेषत: कंबरेच्या वेदना बर्यापैकी कमी झाल्या होत्या परंतु मांडीतल्या वेदना काही केल्या कमी होत नव्हत्या. त्यामुळं दुसर्या दिवशी सकाळी परत बोलावून स्नेहन-स्वेदन व मात्रा बस्ति दिला. कर्म झाल्यानंतर रुग्णेला बराच आराम पडल्याचं जाणवलं. हलल्यावर निघणार्या चमका बर्य...